بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی شنگ کرتگیں درشانے ءَ گوشتگ کہ پانک اسمائیل ء جلال ھان جاہ منند مند، گوّک ءِ کوش ءَ گوں ترندیں دانکاں ایر جنت کہ آ 18 نومبر 2025 ءَ پہ سوادے ءَ روگ ءَ بیتگ اَنت پوج ءَ تیرگواری کرتگ ءُ کشتگ۔ ما آئی دگہ یک سنگتے نومان بلوچ ءِ زوریں بیگواھی ءَ بژنیگ ایں کہ آ انگت ءَ بیگواہ اِنت۔
آئی ءَ گوشتگ کہ اے ویل ریاستی سروکی ءَ بیوکیں زوراکی، درکانودی کوشانی دگہ یک منانکے کہ بلوچ لس بلوچاں نشانگ کنگ ءَ اِنت۔
آئی ءَ گوشتگ کہ پانک اے کوش ءِ زوت ءُ پکائیں پٹ ءُ پول، نومان بلوچ ءِ آجوئی ءُ ایشی زمہ وارانی جست گرگ ءِ لوٹ ءَ کنت۔
آئی ءَ گوشتگ کہ میان استمانی تک پاکستان ءَ انسانی ھکانی بگیریانی بابت ءَ جست بہ کن اَنت۔
