کیچ: دوشی شپ ءِ سَے ءَ پاکستانی پوج ءِ جوڑ کرتگیں کشندہ ٹولی ءِ کارمنداں براھیم ء سید مھمد نامیں مردمے ءِ گس ءَ دو دستی بمب چگل داتگ ءُ جستگ اَنت۔ بلے ھچ وڑیں جانی تاوان ءِ ھال نیست۔
ھندی بنشون ءِ رد ءَ چہ ایشی ءَ پیش ھم ھمے سال ءِ اگست ءَ کشندہ ٹولی ءِ کارمنداں براھیم ءِ گس ءَ دستی بمبے چگل داتگ کہ جنین ءُ زھگ ٹپی بیتگ اَنت۔
ھمے پیم ءَ چہ براھیم ءَ ابید پاکستانی کشندہ ٹولی ءِ کارمنداں تمپ ءِ جتائیں ھنداں لس مردمانی گسانی سر ءَ دستی بمب چگل داتگ ءُ تیرگواری ھم کرتگ۔بازیں ورنا ھم شھید کُرتگ اَنت۔
