شال: وائس پار بلوچ مسنگ پرسن (وی بی ایم پی ) ءِ زھرشانی گدان ءَ شال پریس کلب ءِ دیم ءَ 5991 روچ سرجم بوتگ مرچی گدان ءَ نیاز مھمد ساڑی بوتگ۔
پنچ شمبے ءِ روچ ءَ کامریڈ منزور بلوچ ءَ ھوار جتائیں بھرگاں سیادی داروکیں مردم زھرشانی گدان ءَ اتکگ اَنت ءُ ھمدردی درشان کرتگ۔
وی بی ایم پی ءِ چیرمین نسراللہ بلوچ ءَ گوشتگ کہ پاکستانی پوج ءَ شپ ءِ سے ءَ نیشنل ڈیموکریٹک پارٹی ءِ بنجاھی ڈپٹی آرگنائزر سلمان بلوچ، ساھر بلوچ ءُ دلیپ داس ءَ چہ بولان پلازہ شال ءَ آوارجتگ ءُ بیگواہ کرتگ اَنت۔
آئی گوشتگ کہ سلمان بلوچ، ساھر بلوچ ءُ دلیپ داس ءِ آوار جنی ءَ پد آمیدگس ءَ پیش نہ کنگ ءُ آیانی زوربیگواھی بژنی گپے ءُ ڈیھ ءِ کانود ءُ شھریانی بنکی ھک ءِ بگیری اِنت ما ایشی ءَ ایر جن آں۔
نسراللہ بلوچ ءَ گوں سرکار ءُ ڈیھ ءِ ادارھانی سروکاں لوٹ کرتگ کہ آ سلمان بلوچ ءُ آئی سنگتانی آوارجنی ءِ سر ءَ دلگوش گور بہ کن اَنت ۔ آیانی سر ءَ چونیں بھتامے ھست گڑا آمید گس ءَ پیش کنگ بہ بنت اگاں بےمیار اَنت زوت آجو کنگ بہ بنت ءُ کھول چہ اے گم ءَ کشگ بہ بنت۔
