بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءَ زورگریں دژمنءِ بگیری ءَ کیچ ءِ ھند دشت، آواران، تربت، مند، کولواہ ءُ پسنی ءَ کاروائیانی پارست ءَ دژمن ءَ بازیں کچے ءَ جانی ءُ مالی تاوان داتگ۔
آئی ءَ گوشتگ کہ بی ایل ایپ ءِ سرمچاراں گل ءِ چیریں ھالے ءِ بنیاد ءَ 5 نومبر ءِ بیگاہ ءِ پنچ ءُ نیم ءَ کیچ ءِ ھند دشت کھڈان ءَ پاکستانی پوج ءِ کارمند ھما وھد ءَ گوں ترندیں ارش ءَ نشانگ کرتگ اَنت کہ آ وتی بنجل ءَ ڈن چہ گاڑی ءَ راشن ءُ آدگہ سامان ایر کنگ ءَ بیتگ اَنت۔ سرمچارانی دو جتائیں ٹولیاں اے کاروائی کرتگ۔ بنداتی ٹولی ءَ پوجی کارمندانی سر ءَ چہ سکا نزیک ءَ ارش کرتگ ایشی آسر ءَ سے کارمند جاھی مرتگ ءُ دو سکا ٹپی بیتگ، سرمچارانی آدگہ ٹولی ءَ پوجی کیمپ ءِ سر ءَ گوں آر پی جی ءُ آدگہ مزنیں سلاھاں گولا آس داتگ ءُ تیرگواری کرتگ ءُ بنجل ءِ کیمرہ ھم نشانگ کرتگ ءُ تاوان داتگ اَنت۔
آئیءَ گوشتگ کہ سوبمندیں ارش ءَ پد بی ایل ایپ ءِ سرمچار پہ سلامتی در کپتگءُ وتی مھکمیں بندراں شتگ اَنت۔ چو مدامی وڑ ءَ زورگریں پوج ءَ نزیکیں لس آبادی ءِ سر ءَ گوں مزنیں سلاھاں سکا تیرگواری کرتگ۔
آئی ءَ گوشتگ کہ بی ایل ایپ ءِ سرمچاراں دگہ یک کاروائی یے ءَ 6 نومبر ءَ سھب ءِ ھشت ءَ آواران شھر ءِ نزیکیں ھند پیراندر کنیرہ ءَ سنگر گپتگ ءُ پاکستانی پوج ءِ کارمند ھما وھد ءَ گوں ترندیں اُرش ءَ نشانگ کرتگ اَنت کہ آ پہ وتی پوجی کاروان ءِ پھازداری ءَ تر ءُ گرد کنگ ءَ بیتگ اَنت۔ سرمچاراں اے ارش چہ سکا نزیک ءَ کرتگ کہ سے پوجی کارمند کشتگ ءُ آیانی سلاہ ھم زرتگ اَنت۔ دگہ سے کارمند سکا ٹپی بیتگ اَنت۔
جارکش ءَ گوشتگ کہ سیمی کاروائی 5 نومبر ءِ بیگاہ ءِ پنچ ءِ نزیکءَ سرمچاراں کولواہ ءَ ھند جیرک ءَ برجاھیں پوکی چوکی ءِ سر ءَ کرتگ۔ اے ارش ءَ آر پی جی ءِ باز گولا آس داتگ کہ آ بنجل ءِ تہ ءَ کپتگ اَنت چہ ایشی ءَ دژمنیں پوج ءَ جانی ءُ مالی تاوان بیتگ۔
آئی ءَ گوشتگ کہ بی ایل ایپ ءِ سرمچاراں 5 نومبر ءِ بیگاہ ءَ گوادر ءُ پسنی ءِ تیاب دپی شھدگ شتنگی ءَ بستگ ءُ پٹ ءُ پول کرتگ۔ داں سے اداراں پٹ ءُ پول ءِ میان ءَ زورگریں دژمن ءِ کمکارانی شک ءَ گاڑیانی پٹ ءُ پول برجاہ بیتگ کہ پسنی ءِ اسسٹنٹ کمشنر گوں وتی سرکاری کارمنداں سر بیتگ کہ سرمچاراں دزگیر کرتگ اَنت۔ بی ایل ایپ ءَ دزگیری ءَ پد اے سرکاری سروگاں جست ءُ پد کنگ ءَ رند چہ گل ءِ پالیسی ءُ کمانڈرانی پرمان ءَ بلوچی ءُ انسانیت ءِ بنیاد ءَ اسسٹنٹ کمشنر گوں کارمنداں یل داتگ اَنت ءُ آیانی سرکاری سلاہ پل اتگ اَنت۔ ھمے میان ءَ سرمچاراں دگہ یک بوزر گاڑی یے ھم مانداشتگ۔
جارکش ءَ گوشتگ کہ دگہ یک کاروائی یے ءَ مرچی شش نومبر ءَ بی ایل ایپ ءِ سرمچاراں تربت ءِ ھند گنہ ءَ پاکستانی پوج ءِ چوکی ادار دو ءِ نزیک ءَ نشانگ کرتگ۔ اے کاروائی ءَ سرمچاراں پوجی بنجل ءِ سر ءَ اے ون ءِ باز گولا آس داتگ کہ آ بنجل ءَ تہ ءَ کپتگ اَنت ایشی آسر ءَ دژمن ءَ جانی ءُ مالی تاوان بیتگ۔
آئی ءَ گوشتگ کہ مرچی دگہ یک کاروائی یے ءَ 6 نومبر ءِ سھب ءَ دہ ءُ پازدہ ءَ بی ایل ایپ ءِ سرمچاراں مند، کوہ ڈگار ءُ گوبرد ءِ میان ءَ دسچین ءَ پہ پھازدری ءَ بستگیں سنگرے ءَ تراکناکیں شورہ چیر کرتگ۔ ھمنچو کہ دژمن ءِ باز کارمند ھمے جاہ ءَ سر بیتگ گڑا سرمچاراں آیان ءَ نشانگ کرتگ کہ دو دوکارمند جاھی مرتگ۔ ارش ءَ پد زورگریں پوج ءِ برزی کمک سر بیتگ مرتگیں کارمندانی لاش مند سورو ءَ برتگ اَنت ءُ پد ءَ لاش تربت ءَ برتگ اَنت۔
میجر گھرام بلوچ ءَ کاروائیانی زمہ واری من اتگ ءُ گوشتگ کہ ھمے کول ءَ کن ایں داں بلوچستان ءِ سرجم ءَ آجوئی ءَ زورگریں پوج ءِ بگیری ءَ ارشانی درچ ءَ برجاہ دار ایں۔
آئی ءَ گڈی ءَ گوشتگ کہ بی ایل ایپ شھدگ ءَ سپر کنوکیں درسیں گاڑی واھنداں کڈن کنت کہ زورگریں دژمنیں پوج ءِ چہ بلوچ سرڈگار ءَ مڈیانی لٹ ءُ پل ءَ کمک کنگ ءُ آئی کمکاری ءَ وت ءَ گستا بدار اِت اگاں نہ وتی جان ءُ مال ءِ زمہ وار وت اِت۔
