بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ اشرپ ء دین مھمد ءِ زوریں بیگواھی ایر جتگ ءُ گوشتگ کہ یک نومبر 2025 ءَ چہ ڈی جی ھان ءِ بلوچ کالونی ءَ سی ٹی ڈی ءَ بیڑ برگ ءِ میان ءَ آوار جتگ۔
آئی ءَ گوشتگ کہ اے وڑیں گامگیج انسانی ھک ءُ میان استمانی کانودی ءِ تچک ءَ بگیری اِنت ءُ بلوچ راج ءِ بگیری ءَ ریاستی زوراکیانی درچ ءَ پاشک کنت۔
آئی ءَ گوشتگ کہ ما اشرپ بلوچ ءِ زوتیں آجوئی ءِ لوٹ ءَ کن این ءُ گوں انسانی ھکانی گل، رسانکدر ءُ میان استمانی تک ءَ لوٹ کن ایں کہ آ بلوچستان ءُ نزیکیں ھنداں زوریں بیگواھیانی گیش بیوکیں ویلانی سر ءَ دلگوش گور بہ کن اَنت۔
آئی ءَ وتی درشان ءِ گڈی ءَ گوشتگ کہ پانک ھمے کول ءَ کنت کہ آ اے زوراکیانی کیسانی یکجاہ کنگ ءَ برجاہ دار ایت دانکہ زور بیگواھیں مردم وتی کھولانی کِر ءَ سر بہ بنت ءُ گوں آیاں انساپ کنگ بہ بیت۔
