بلوچ لبریشن پرنٹ ( بی ایل ایپ ) ءَ چہ وتی رسانکدری تندجاہ آشوب ٹیلیگرام چینل ءَ مند ءُ آواران ءَ چار جتائیں ترندیں ارشانی تامربند شنگ کرتگ۔
اے ارشانی تہ ءَ مند، مھیر ءَ پاکستانی پوج ءِ گاڑی ءِ سر ءَ ارش، آواران ءِ ھند جاھو، نوندڑہ ءَ پاکستانی پوج ءِ سر ءَ ارش ءَ سلاھانی برگ، بریت ءَ پاکستانی پوج ءِ کاروان ءُ جاھو گزی ءَ پاکستانی پوج ءِ چوکی ءِ سر ءَ ارش ھوار اَنت۔
اے نُھ دمان ءِ تامربند ءَ بندات ءَ بی ایل ایپ ءِ سرمچار گوں مزنیں سلاھاں رو گ ءَ گندگ بنت ۔ چہ ایشی ءَ پد پاکستانی پوج ءِ کارمندانی مرگ ءُ آیانی سلاھانی دستیگ کنگ ءُ برگ ھم شریں وڑے ءَ گندگ بیت۔
بلوچستان لبریشن پرنٹ ءِ جارکش گھرام بلوچ ءِ رد ءَ مند مھیر ءَ 20 اکتوبر ءَ پاکستانی پوج ء ِسر ءَ ارش کنگ بیتگ اَت ءُ اے ارش ءِ آسر ءَ پاکستانی پوجءِ پنچ کارمند مرتگ ءُ دو ٹپی بیتگ اَت۔
ھمے وڑ ءَ جاھو نوندڑہ ءَ بی ایل ایپ ء سرمچاراں 24 اکتوبر 2025 ءَ پاکستانی پوج ءِ سر ءَ ارش کرتگ اَت کہ داں یک ادارے ءَ برجاھیں ارش ءَ پاکستانی پوج ءِ چار کارمند مرتگ ءُ باز ٹپی بیتگ اَت۔ ھمے ارش ءِ میانءَ بی ایل ایپ ءِسرمچاراں پاکستانی پوجءِ مرتگیں کارمندانی سلاہ ھم برتگ اَنت۔
آدگہ دوئیں کاروائی جتاجتائیں وھداں کنگ بیتگ اَنت۔
