بلوچستان لبریشن پرنٹ ء ِجارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که ده اپریل ءَ بیگاه ءِ سے ءِ نزیک ءَ ھاران ءِ شھر ءَ کراچی اسٹاپ ءَ په ریکوڈک شوربندی ءَ مشین بروکیں ٹرالرانی سر ءَ گوں دستی بمب ءُ آدگه وتکاریں سلاھاں اُرش کرتگ ، ایشی ءِ آسر ءَ گاڑیاں سکا تاوان بیتگ۔
آئی ءَ گوشتگ که اے اُرش ءَ دو ھندی مردم ٹپی بیتگ که ما چه ایشی ءَ سکا بژنیگ اِیں. ما رسانکدر ءِ پارست ءَ گوں ھندی بلوچ مھلوک ءَ لوٹ کن اِیں که وت ءَ چه دژمنیں لشکر ءُ گوں لٹ ءُ پلی شوربندیاں بندوکیں مشین یا گاڑیاں دور به دار اَنت دانکه بیوکیں اُرشانی میان ءَ پھریز به بنت۔
جارکش ءَ گوشتگ که مرچی سھب ءَ دگه یک کاروائی ءَ سرمچاراں ھزدار ءِ ھند وڈ ، دراکاله ءَ مادن بروکیں دو گاڑیانی ٹائر جتگ اَنت ، کمیں تاوان داتگ ءُ ڈائیور بلوچ ءُ مردمگری ءِ بنیاد ءَ په سلامتی یل کرتگ اَنت۔
میجر گھرام بلوچ ءَ دوئیں اُرشانی زمه واری من اتگ ءُ گوشتگ که ما تچک ءَ گوشگ اِیں که دژمنیں لشکر ءُ لٹ ءُ پلی شرکتانی سر ءَ بلوچ سرڈگار ءِ مڈیانی لٹ ءُ پل کنگ ءِ بگیری ءَ کاروائی داں بلوچستان ءِ آجوئی ءَ برجاه بنت۔
