کیچ: پاکستانی پوج ءِدست ءَ سے روچ پیش زور بیگواھیں ورنا ھارون، ھمود ءُ پھد ءِ کھول ءِ نیمگ ءَ آیانی زوریں بیگواھیءِ بگیری ءَ مند ءَ زھرشانی روانکے کشگ بیتگ۔
زھرشانی ءَ زور بیگواھیں ورنایانی کھول، جنین ءُ زھگ ءُ آدگہ مردماں بازیں کچے ءَ بھر زرتگ۔ آیاں زوریں بیگواھیانی بگیری ءَ اوگام جتگ ءُ بیگواھیں ورنایانی آجوئی ءِ لوٹ کرتگ۔
سرکاری مردماں زھرشانی روانک ءِ باز دارگ ءِ جھد کرتگ بلے کھولاں وتی زھرشانی برجاہ داشتگ۔
آیاں تران کرتگ ءُ گوشتگ کہ پاکستانی پوج ءَ شپ ءِ سے ءَ بیڑ رتگ ءُ مئے سے ورنا آوار جنگ ءَ پد بیگواہ کرتگ اَنت۔آیانی تہ ءَ ھمود ء مھم جان ھشت تبک ءِ نودربرے کہ سے روچ بوتگ آ گس ءَ تپیگ بوتگ۔ پوج ءَ گوں ھمے نادراھی ءَ آوار جتگ ءُ بیگواہ کرتگ۔
آیاں گوشتگ کہ مئے ورنایاں چے میارباری کرتگ کہ آ شپانی پاس ءَ اے وڑ ءَ درکانودی آوار جنگ ءُ بیگواہ کنگ بنت۔
آیاں گوشتگ کہ مئے بیگواھیں زھگانی سر ءَ چونیں ھم بھتامے ھست گڑا آمیدگس ءَ پیش کنگ بہ بنت۔
زھرشانی کنوکیں مردمانی گوشگ اِنت کہ ما وتی زھرشانی ءَ مھیر ءَ بر ایں ءُ اود ءَ دگ ءَ بند کن این ءُ نندا یں۔
چوش کہ اے سے ئیں ورنا ھارون بلوچ، ھمود بلوچ ءُ پھد بلوچ پاکستانی پوج ءَ 23 اکتوبر ءِ شپ ءَ چہ مند بلوچ آباد ءَ گس ءَ آوار جتگ ءُ بیگواہ کرتگ اَنت۔
