کیچ: تمپ ءِ ھند نزر آباد ءَ چہ بلوچ یکجھتی کمیٹی ءِ نیمگ ءَ اکمل سالھ، ابداللہ مھم جان ءُ دیدگ داد رھمان ءِ ناھکیں کوش ءِ بگیری ءَ زھرشانی روانکے کشگ بوتگ کہ کشندہ ٹولی ءِ کارمنداں پہ روانک ءِ دارگ ءَ مردمانی سر ءَ تیرگواری کرتگ۔
انچوش گوگ بوگ ءَ اِنت کہ روانک بندات بوتگ کشندہ ٹولی ءِ کارمند دو پرپٹ ءِ سر ءَ چار مردم نزیک ءَ اتکگ اَنت ءُ زھرشانی کنوکیں مردمانی سر ءَ تیرگواری کرتگ چہ تیرگواری ءَ مردم ترس ءِ آماچ بوتگ اَنت۔
دوشی ھم پاکستانی پوج ءَ گساں بیڑ برتگ ءُمردمان ءَ بیھار داتگ کہ بیوکیں زھرشانی ءَ بھر مزور اِت۔ مرچی مردماں زھرشانی بندات کرتگ کہ کشندہ ٹولی ءِ کارمنداں ارش کرتگ۔
