کیچ\ آواران: پاکستانی پوج ءَ سے ورنا آوار جنگ ءَ پد بیگواہ کرتگ۔
زرمبش جھگیر ءِ رد ءَ پاکستانی پوج ءَ 16 اکتوبر 2025 ءَ چہ کولواہ ءَ ایاز بلوچ ء دوست مھمد ءُ امداد بلوچ ء ھدابکش بلوچ آوار جتگ ءُ بیگواہ کرتگ۔ دوئیں ورنا کولواہ ءِ میتگ گیشکور سنڈُم ءِ جاہ منند اَنت کہ پاکستانی پوج ءَ وتی بنجل ءَ لوٹائینتگ ءُ بیگواہ کرتگ اَنت۔
ھمے وڑ ءَ دوشی پاکستانی پوج ءَ چہ تربت ءِ ھند آپسر بلوچی بازار ءَ بالاچ بلوچ ء دلوش نامیں ورنایے آوار جنگ ءَ پد بیگواہ کرتگ۔
زور بیگواھیں بالاچ بلوچ ءِ امر شانزدہ سال اِنت کہ ھشت تبک ءِ نودربرے۔
زور بیگواھیں امداد بلوچ ءِ بابت ءَ گوشگ بوگ ءَ اِنت کہ آئی پت ھم پاکستانی پوج ءَ شھید کرتگ۔
