شال ءَ زی بلوچ یکجھتی کمیٹی ءِ نیمگ ءَ نزر مری ءِ زوریں بیگواھی ءِ بگیری ءَ زھرشانی کنگ بیتگ۔ زھرشانی ءَ سیاسی کارکناں ھوار لس مردماں بازیں کچے ءَ بھر زرتگ۔
زھرشانی کنوکیں مردماں زوریں بیگواھیانی بگیری ءَ اوگام جتگ ءُ درسیں بیگواھیں مردمانی آجوئی ءِ لوٹ کرتگ۔
آیاں تران کرتگ ءُ گوشتگ کہ بلوچستان ءَ زوریں بیگواھی گوں ترندی ءَ برجاہ اِنت، پہ زھرشانی کنوکانی توار ءِ دارگ ءَ ھم ریاستی زوراکی گیش کنگ بیتگ۔
آیاں گوشتگ دانکہ بلوچستان ءَ ریاستی زوراکی بند کنگ بہ بنت مئے زھرشانیانی درچ ھم گوں ترندی ءَ برجاہ بیت۔ ما گوں سرکار ءَ لوٹ کن ایں کہ نزر مری ءَ ھوار درسیں بیگواھیں مردم آجو کنگ بہ بنت۔
