شال: وائس پار بلوچ مسنگ پرسن (وی بی ایم پی) ءَ چہ شال ءَ پاکستانی پوج ءِ دست ءَ آوار جنگ بوتگیں نودربر وھاب بلوچ ءُ نزیر بلوچ ءِ آجوئی ءِ لوٹ کرتگ ۔
آئی گشتگ کہ 17 اکتوبر 2025 ءَ پاکستانی پوج ءَ بلوچ نودربر وھاب پسنی ءِ جاہ منند اِنت ءُ نزیر بلوچ مستونگ ءِ جاہ منند اِنت ،شال ایسا نگری بروری دگ ءَ چہ آیانی جند ءِ کوٹی ءَ آوار جتگ ءُ بیگواہ کرتگ اَنت ءُ آیانی بابت ءَ کھول ءَ ھچ وڑیں سرپدی دیگ نہ بوتگ۔
وی بی ایم پی ءَ بژن درشان کرتگ ءُ گوشتگ کہ گوں سرکار ءَ لوٹ کن ایں کہ آ پہ وھاب بلوچ ءُ نزیر بلوچ ءِ آجوئی ءَ دلجمی دیگ ءَ وتی کرد ءَ پیلو بہ کن اَنت۔
