ھزدار: بلوچ نیشنل موومنٹ ( بی این ایم ) ءِ بنجاھی کارگشاد دل مراد بلوچ ءِ پت مرچی سھب ءَ بیران بیتگ۔
اھوالکارءِ رد ءَ رھیم بکش بلوچ ھزدار ءِ ھند گریشگ، بدرنگ ءِ جاہ منند اِنت کہ آ بی این ایم ءِ مزنیں دوزواھے بوتگ۔ لھتیں وھد بیت کہ نادراہ بیتگ ءُ پہ الاج ءَ کراچی ءَ نادراھجاہ ءَ برگ بیتگ، مرچی سھب ءَ آ نادراھجاہ ءَ بیران بیتگ۔
رھیم بکش بلوچ ءِ بیرانی ءِ ناوشیں ھال ءِ شنگ بوگ ءَ پد بی این ایم ءِ سروکاں ھم دلپدردی درشان کرتگ۔
