ھزدار ءِ ھند زھری ءَ پاکستانی پوج ءِ نیمگ ءَ باز روچ اِنت کہ لشکرکشی ءُ زوراکی برجاہ اِنت۔
بنشون ءِ رد ءَ پاکستانی پوج ءَ گوستگیں سے روچ بیت کہ زھری ءَ بند آرگ جتگ ءُ چہ جتا جتائیں جاھاں بازیں کچے ءَ مردمانی آوار جنی ءِ ھال اِنت۔ پہ زمینی پوج ءِ کمک ءَ ھیلی کاپٹر ھم تر ءُ گرد کنگ ءَ اَنت۔
ھندی بنشون ءِ رد ءَ زھری ءِ میتگ سوھند ءِ کوہ ءَ ھیلی کاپٹراں کمانڈو ایر کرتگ ءُ کِر ءُ کشاں تیر ءُ تراکانی توار اش کنگ بوگ ءَ اِنت۔
دمگ ءَ نیٹورک ھم بند اَنت ءُ پاکستانی پوج ءَ پہ مردمانی تر ءُ گرد ءِ سر ءَ پابندی جتگ ءُ مردماں نادراھجاہ ءَ ھم روگ ءَ نیلگ ءَ اِنت۔ چہ پاکستانی پوج ءِ زوراکیاں مردم چہ درسیں آسراتیاں زبھر اَنت۔
اے بابت ءَ مئے گیشیں جست ءُ پرس برجاہ اِنت۔
چوش کہ چہ یازدہ اگست ءَ بلوچ آجوئی لوٹوکیں سرمچاراں زھری دستیگ کرتگ ءُ اے میان ءَ پاکستانی پوج ءَ باز بر ءَ پترگ ءِ جھد کرتگ کہ چہ ترندیں ارشانی آسر ءَ پد کنزگ ءَ لاچار بیتگ۔
