کراچی : پاکستانی پوج ءِ دست ءَ زوربیگواھیں زاھد بلوچ ءِ پت ابدُلھمید بلوچ ءِ جاور ناگیگ اَنت نادراھجاہ ءَ برگ بوتگ ۔
کھول ءِ گوشگ انت کہ ابدُلھمید بلوچ چہ پیسر ءَ جگر ءِ نادراہ اِنت اناگت ءَ آئی جاور ناگیگ بیتگ اَنت ءُ پہ الاج ءَ نادراھجاہ ءَ برگ بیتگ۔
چوش کہ ابدُلھمید بلوچ پیسر ءَ پہ وتی زھگءِ آجوئی ءَ چل روچ ءَ گیش کراچی پریس کلب ءِ دیمءَ زھرشانی نندانک ءَ نشتگ ءُ چہ آئی نادراھی ءِ سوب ءَ زھرشانی نندانک ھلاس کنگ بیتگ اَت۔
ابدلھمید بلوچ ءَ چہ نادراھجاہ ءَ پہ وتی زھگ ءِ آجوئی ءَ لوٹ کرتگ ءُ گوشتگ کہ اگاں منی زھگ ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔
آئی گوشتگ کہ منی زھگ بے میار انت ءُ منی گس ءِ والینوک اِنت چہ آئی زوریں بیگواھی ءَ مئے سرجمیں کھول مالی ءُ سسائی جنجالانی دیمپان اِنت۔
