بلوچ لبریشن آرمی( بی ایل اے) ءِ جارکش آزاد بلوچ ءَ ماں رسانکدر ءَ وتی شنگ کرتگیں درشانےءَ گوشتگ کہ 25 ستمبر ءِ شپ ءَ بی ایل اےءِ سرمچاراں شال کراچی شھدگ ءَ کلات ٹول پلازہ ءَ ھوار مرجان ءُ آدگہ جتائیں جاھاں دگ بستگ ءُ باز جاہ ءَ پٹ ءُ پول کرتگ۔ بی ایل اے ءِ سرمچاراں شھدگ ءَ ھوار آدگہ ھمگرنچیں راہ بستگ اَنت ءُ پٹ ءُ پول داں چار اداراں برجاہ بیتگ۔
آئی ءَ گوشتگ کہ اے میان ءَ سرمچاراں کلات ٹول پلازہ مانداشتگ ءُ چہ دگہ یک چوکی ءَ تچگءِ جھد کنوکیں دو گاڑیانی سر ءَ تیرگواری کرتگ کہ ایشی آسر ءَ دو کارمند ٹپی بیتگ۔
آزاد بلوچ ءَ گوشتگ کہ اے آپریشن داں شپ ءِ یک ءَ برجاہ بیتگ۔
