اسلام آباد ءَ پہ بلوچ یکجھتی کمیٹی ءِ سروک ءُ زور بیگواھیں مردمانی آجوئی ءَ برجاھیں زھرشانی نندانک ءَ ھپتاد ءُ دو روچ سرجم بیتگ۔
اے بابت ءَ آیانی گوشگ اِنت ھپتاد ءُ دو روچ انت کہ اسلام آباد ءِ دگانی سر ءَ بلوچ مات، گوھار ءُ زھگ پہ وتی آزیزانی آجوئی ءِ ودار ءَ نشتگ انت۔ اے شھر ءِ واکدار بے توار اَنت ، بلے اے بے تواری ءِ پشت ءِ پشت ءِ چیھانٹ آزمان ءَ لرزین اَنت۔
آیانی گوشگ اِنت اے دگ ابیتک اَنت ، بلے ایشانی سر ءَ پریشانی ءُ جھد ءِ گوستانک نبیسگ بوگ ءَ اَنت ۔ اے تھنا نندانکے نہ اِنت، اے زوراکی ءِ بگیری ءَ یک دردیگیں کسھے۔
آیاں گوشتگ کہ ریاست ءِ زوراکی ءَ بازیں گس ویران کرتگ اَنت ، ماتانی کُٹ ھالیگ اَنت ، بلے اے ویرانی یک نوکیں گھگیری یے ودی کنگ ءَ اِنت۔
آیانی گوشگ اِنت اے ھپتاد ءُ دو روچ ءِ گھگیری راستی ءَ چہ دھکان ایردستی ءِ ھلاس کنگ ءِ جار اِنت۔
