بلوچ ریپبلکن گارڈز ( بی آر جی ) ءِ جارکش دوستین بلوچ ءَ وتی شنگ کرتگیں درشانے ءَ گوشتگ کہ سرمچاراں مرچی بیگاہ ءَ مستونگ ءِ ھند دشت ءَ گوں چیر کرتگیں شورھاں جاپر ایکسپریس نشانگ کرتگ۔ تراک ءِ آسر ءَ ریل ءَ سواریں پاکستانی پوج ءِ باز کارمند مرتگ ءُ ٹپی بوتگ، ریل ءِ پنچ بوگی چہ پٹڑی ءَ در کپتگ۔
جارکش ءَ گوشتگ کہ پاکستانی پوج مساپر کشوکیں ریل ءَ پہ وتی روگ ءُ آیگ ءَ کارمرز کنت، ما گوں مھلوک ءَ دزبندی کن ایں کہ آ چہ چونیں ھم تاوانے ءَ رکّگ ءَ وت ءَ اچ پاکستانی پوج ءِ کارمنداں دور بہ دار اَنت۔
دوستین بلوچ ءَ اے ارش ءِ زمہ واری من اِتگ ءُ گوشتگ کہ اے پیمیں ارش داں بلوچستان ءِ آجوئی ءَ برجاہ بنت۔
