شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسن ءِ زھرشانی گدان ءَ شال پریس کلب ءِ دیم ءَ 5944 روچ سرجم بیتگ۔ آدینگ ءِ روچ ءَ چیئرمین نسر اللہ بلوچ گدان ءَ ساڑی بیتگ۔
وی بی ایم پی ءِ سرکماش گوں سرکار ءَ لوٹ کرتگ کہ درسیں بیگواھیں مردم آجو کنگ بہ بنت۔ زوریں بیگواھی ءُ درکانودی کوش بند کنگ بہ بیت۔ ھما زور بیگواھیں مردم کہ بیران بیتگ اَنت گڑا آئی کھول سھی کنگ بہ بنت۔
نسر اللہ بلوچ ءَ گوشتگ کہ اگاں کسے ءِ سر ءَ دروگیں بھتامے ھست گڑا آمیدگس ءَ پیش کنگ بہ بیت ءُ آئی ءَ وتی بے میاری پیش کنگ ءِ ھک دیگ بہ بیت۔
آئی ءَ گوشتگ کہ پہ زوریں بیگواھی ءِ دارگ ءُ درکانودی کوشانی دارگ ءَ ڈیھ ءِ کانود ءِ رد ءَ گامگیج زورگ بہ بیت۔
