تربت: بلوچستان لبریشن پرنٹ (بی ایل ایپ) ءِ سرمچارانی دست ءَ دزگیر کنگ بوتگیں اسسٹنٹ کمشنر مھمد ھنیپ نورزئی یل کنگ بوتگ۔
اھوالکار کار ءِ رد ءَ اسسٹنٹ کمشنر مھمد ھنیپ نورزھی چار ءَ جون ءِ سھب ءَ ائید ءِ موکلاں وتی کھول ءِ ھواری ءَ شال ءَ روگ ءَ میان ءَ بی ایل ایپ سرمچاراں دزگیر کرتگ ءُ آئی کھول یل داتگ اَت۔ آ داں چار ماہ ءَ بی ایل ایپ سرمچارانی دست ءَ بندیگی ءَ پد دوشی یل کنگ بوتگ۔
چوش کہ اسسٹنٹ کمشنر ءِ دزگیری ءِ زمہ واری بی ایل ایپ ءَ من اَتگ ءُ گوشتگ کہ آ بی ایل ایپ ءِ جست ءُ پرسی ٹولی ءِ دست ءَ دیگ بوتگ ءُ آئی تامربند شنگ کرتگ اَت۔
اسسٹنٹ کمشنر ءِ یل بوگ ءَ پد انگت بی ایل ایپ ءِ نیمگ ءَ اے بابت ءَ ھچ وڑیں درشان شنگ کنگ نہ بوتگ۔
