کیپ: چہ روس ءِ پوج ءِ نیمگ ءَ یوکرین ءِ بنجاھی شھر کیپ ءَ ڈرون ءُ میزائل اُرشانی آسر ءَ 23 مردم مرتگ ءُ درزنے ءَ گیش ٹپی بوتگ۔
یوکرین ءِ سدر زیلنسکی ءِ گوشگ اِنت کہ گوستگیں شپ ءَ بنجاھی شھر کیپ ءِ سر ءَ روس ءِ اُرش ءَ دو زھگاں ھوار 23 مردم مرتگ ءُ 38 ٹپی بوتگ۔ ھپت دمگاں ماڑی تاوان بوتگ انت۔
آئی گوشتگ کہ روس چہ گپ ءُ تران ءِ جاہ ءَ بیلسٹک میزائل جنگ ءَ اِنت۔ روس جنگ ءَ ھلاس کنگ نہ لوٹ ایت آئی کشت ءُ کوش برجاہ داشتگ۔
