اسلام آباد ءَ ریاستی زوراکیانی آماچیں بلوچ کھولانی زھرشانی ءَ سی ءُ ھپت روچ سرجم بیتگ کہ انگتءَ برجاہ اِنت۔
آیانی گوشگ اِنت کہ چہ موسم ءِ جنجال ءُ ریاستی زوراکیاں ابید ما پہ وتی لوٹاں زھرشانی برجاہ داشتگ۔ ریاست ھمے سرپد بیت کہ ما بے اوست بہ ایں ءُ پاد کائیں بلےمئے گھگیری انچو نزور نہ اِنت۔
آیاں گوشتگ کہ ما درسیں ریاستی زوراکی اوپار کرتگ اَنت بلے داں گڈی دم ءَ ما وتی انساپ ءِ لوٹ ءَ برجاہ دار ایں۔ دانکہ مئے لوٹ منگ نہ بیتگ اَنت ما ھچ وڑ ءَ بے توار نہ بہ ایں۔
آیانی گوشگ اِنت کہ ریاستی جھگیر چہ مئے لوٹانی منگ ءَ ابید دروگیں گپ جنگ ءَ اَنت کہ ما گپ کنگ نہ لوٹ ایں۔ اگاں ما گپ کنگ مہ لوٹ اِت ایں گڑا چہ انچو میل ءَ سر نہ کرتگ اَتءُ ادءَ اسلام آباد ءَ نہ یتک ایں۔ چہ دروگ بندگ ءَ ابید مئے مردماں آجو بہ کن اِت۔
