ھیبر پکتونواہ ءِ جتا جتائیں ھند ءُ دمگاں چہ ترندیں ھور ءُ ھاراں سے سد ءَ گیش مردم بیران بیتگ اَنت۔
ڈیزاسٹر مینجمنٹ اتھارٹی (پی ڈی ایم اے)ءِ رد ءَ ھیبرپکتونواہ ءَ کل 307 مردم بیران بیتگ۔ بونیرءَ 184، شانگلہ ءَ 36، مانسھرہ ءَ 23، سوات ءَ 22 باجوڑ ءَ 21، بٹگرام ءَ 15 ءُ دیر ءَ یازدہ مرم بیران بیتگ۔
آئی گوشگ اِنت کہ اے ویل گوستگیں بیست ءُ چار ادارانی میان ءَ بیتگ اَنت، چہ ھور ءُ ھارانی سوب ءَ 307 مردم بیران ءُ23 ٹپی بیتگ۔بیران بیتگیں مردمانی تہ ءَ 279 مرد، 15 جنین ءُ سیزدہ زھگ ھوار اِنت۔ ٹپی بیتگیں مردمانی تہ ءَ 17 مرد، 4 جنین ءُ دو زھگ ھوار اِنت۔
آئی گوشگ اِنت کہ چہ ھوارانی آسر ءَ ھپتاد ءُ چار گس تاوان بیتگ، آیانی تہ ءَ شستءُ سے گس کمیں تاوان بیتگ ءُ یازدہ سرجم ءَ تباہ بیتگ۔
