کراچی: لیاری ءَ بلوچ یکجھتی کمیٹی ءِ نیمگ ءَ بلوچ چکچینی ءِ بگیری ءَ زھرشانی روانک آسر بوتگ ءُ پولیس باز مردم دزگیر کرتگ ءُ لوڈ اسپیکر ءُ گوں گاڑی ءَ برتگ۔
بلوچ چکچینی ءِ بگیری ءُ اسلام آباد زھرشانی ءِ پلہ مرزی ءَ بوتگیں زھرشانی ءَ ھزارانی کچ ءَ مردماں بھر زرتگ۔ پولیس ءَ پہ زھرشانی ءِ دیم ءَ اڑاند ودی کنگ ءَ بازیں کارمند لوٹائینتگ اَنت۔
زھرشانی کنوکیں مردماں پاکستانی لشکر ءِ زوراکی ءُ اسلام آباد ءَ برجاھیں زھرشانی نندانک ءُ ڈاکٹر ماہ رنگ ءِ پلہ مرزی ءَ اوگام جتگ۔
سند پولیس ءِ زوراکیاں ابید بلوچ یکجھتی کمیٹی ءِ زھرشانی روانک وتی گڈی جاہ ءَ سر بوتگ ءُ زھرشانی ھلاس بوتگ۔
