بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ماں چاگردی رسانکدر ایکس ءَ ھک آباد ءِ شھید دروت کرتگ اَنت ءُ نبشتہ کرتگ کہ روکپتی بلوچستان ءِ ھند ھک آباد ءَ پاکستانی لشکر ءِ میزائل اُرش ءَ شھید بوتگیں بی این ایم ءِ باسک دوست بلوچ، آئی لوگبانک، زھگ ءُ نجمہ ءَ ستک شانی ندر کن ایں۔ اے باھوٹی بوتگ اَنت چہ پاکستانی لشکر ءِ زوراکیانی سوب ءَ لڈ ءُ بار اِش کرتگ۔
آئی ءَ گوشتگ کہ مرچی آیان ءَ ناشرکاری ءِ بھتام جنگ ءُ کشگ بوتگ اَنت۔ اے پاکستان ءِ نیمگ ءَ آئی زوراکیانی چیر دیگ ءِ پدریں دروگے۔ جنین، زھگ ءُ کودکیں شھریاں ھوار بے میاریں مردمانی کوش دلپدر کنوکیں ویلے چہ پاکستان ءَ جست گرگ لوٹ ایت۔
ڈاکٹر نسیم ءَ گوشتگ کہ تیوگیں جھان ءِ پہ مئے بلوچ باھوٹیانی پھریزگ ءَ ما یو این، یو این ایچ سی آر ءُ آدگہ میان استمانی تک ءَ مدامیگیں لوٹانی سر ءَ دلگوش دیگ نہ بوتگ۔ مرچیگیں ویل پہ درسیں ندارگ چاروکانی چِست بیگ ءِ سوب جوڑ بہ بیت۔
