بلوچستان آجوئی سنگر (بی ایل ایپ ) ءِ جارکش میجر گھرام ءَ وتی شنگ کُرتگیں درشانے ءَ گْوشتگ کہ سرمچاراں یکیں وھد ءَ کیچ ءِ ھند بالگتر ءَ زورگریں دژمن ءِ سر ءَ اُرش کُرتگ ءُ جانی ءُ مالی تاوان داتگ۔
میجر گھرام ءَ گْوشتگ کہ سرمچاراں سَے شمبے ءِ شپ ءِ نوہ ءَ بالگتر ءِ میتگ سھاکی ءَ برجاھیں زورگریں پاکستانی لشکر ءِ بنجل ءُ سری گڈگی ءَ واٹر سپلائی ءَ برجاھیں پانگس ءِ سر ءَ یکیں وھد ءَ گوں ٹوھین ءُ نوکیں سلاھاں اُرش کُرتگ۔اُرش ءَ زورگریں دژمن ءِ دو کارمند جاھی مُرتگ ءُ سَے سک ٹپی بیتگ۔
آئی ءَ گْوشتگ کہ سرمچاراں گوں نوکیں جنگی کارشونیاں دژمن چہ نزیک ءَ نشانگ کُرتگ ءُ اُرش ءَ دژمن ءَ مالی تاوان ھم بیتگ۔
میجر گھرام ءَ وتی درشان ءِ گُڈی ءَ اُرش ءِ زمہ واری منّ اِتگ ءُ گْوشتگ کہ داں بلوچستان ءِ آجوئی ءَ سرمچار زورگریں دژمن ءُ ریاست ءِ دُرسیں سیتاں نشانگ کن اَنت۔
