بلوچ ریپبلکن آرمی ( بی آر اے ) ءِ جارکش سرباز بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که ڈیره بگٹی ءِ هند سوئی ءَ گوپٹ ءَ پاکستانی پوج ءُ سرمچارانی میان ءَ نیمروچ ءَ ھما وھد ءَمیڑے بندات بیتگ که پاکستانی پوج ءِ کارمنداں سرمچارانی راه بستگ۔
آئی ءَ گوشتگ که میڑانی درچ داں اَداراں برجاه بیتگ ، ھمے میان ءَ پاکستانی پوج ءِ سے کارمند مرتگ ، چه ایشی ءَ پد چه سوئی ءِ بنجل ءَ گوپٹ ءِ نیمگ ءَ پاکستانی پوج ءِ آھوکیں کاروان ءِ سر ءَ سرمچاراں سنگر گپتگ ءُ گوں راکٹ ءُ ٹوھیں سلاھاں اُرش کرتگ که ایشی آسر ءَ دگه سے کارمند مرتگ ءُ ده ٹپی بیتگ۔
جارکش ءَ گوشتگ که اے میڑاں سنگت برکت پنام ءِ گل بگٹی ء ھیوت بگٹی شھید بیتگ ، شھید گل بگٹی گوستگیں ده سال اِنت گوں گل ءَ بندوک بیتگ ، آئی ءِ سیادی گوں بگٹی ٹک ءِ ھوتکانی ءَ بیتگ ، آ سکا دلیر ءُ سوھوئیں ورنایے اَت ، آئی ءِ کھول ءَ په بلوچ ءِ سرڈگار ءَ گران بھائیں دیمونی داتگ.
بی آر اے ءِ جارکش سرباز بلوچ ءَ درشان ءِ گڈی ءَ شھید گل بگٹی ءَ ستک شانی ندر کرتگ۔
