اوتل: کوسٹ گارڈ ءِ تیرگواری ءَ تیل کشیں گاڑی ءِ ڈرائیورے بیران بوتگ، کھول ءَ زھرشانی ءَ دگ بند کرتگ۔
بنشون ءِ رد ءَ بیران بوتگیں ڈرائیور ءِ نام اتا اللہ ء پلیان ھان اِنت۔ چارشمبے ءِ سھب ءَ پاکستانی کوسٹ گارڈ ءِ کارمند تیل کشیں گاڑی یے ءِ رند ءَ کپتگ اَنت کہ آیاں دبی مسجد ءِ نزیک ءَ گاڑی ءِ سر ءَ تیرگواری کرتگ ءُ گاڑی ءِ ٹائر ترک اِتگ ءُ چپی بوتگ، ڈرائیور بیران بوتگ۔
ویل ءَ پد بیران بوتگیں ڈرائیور ءِ کھول ءُ آدگہ مردماں آئی لاش ءِ ھواری ءَ زھرشانی ءَ دگ بند کرتگ۔
