کیچ: تمپ ءِ میتگ کوھاڑ ءَ جنیناں سے سلاہ بندیں مردم گوں سلاھاں دزگیر کرتگ اَنت۔
ماں چاگردی رسانکدر ءَ دزگیر بیتگیں مردمانی تامربند شنگ بیتگ کہ آ گوشگ ءَ اَنت ما اد ءَ تنویر نامیں ونایے ءِ کشگ ءَ اتگکیں ءُ ما تنویر ءِ جست کرتگ مردماں مارا دزگیر کرتگ۔
تامربند ءَ گندگ بیتگ کہ سے ئیں دزگیر بیتگیں مردم آزار دیگ بیتگ اَنت۔ آیانی گوشگ اِنت کہ ما کیچ ءِ ھند ناسر آباد ءِ جاہ منندیں۔
دزگیر بیتگیں مردمانی بابت ءَ گوشگ بیت کہ آ پاکستانی پوج ءُ چیریں ادارھانی جوڑ کرتگیں کشندہ ٹولی ءِ کارمند اَنت۔
چوش کہ تمپ ءِ جتائیں میتگاں جتائیں وھداں کشندہ ٹولی ءِ کارمنداں بلوچ ورنا بے میار ءَ نشانگ کرتگ ءُ کشتگ اَنت۔
