شال: وائس پار بلوچ مسنگ پرسنز (وی بی ایم پی) ءَ ماں رسانکدر ءَ وتی شنگ کرتگیں درشانے ءَ گوشتگ کہ تُربَت ءَ 26 مئی ءَ پاکستانی پوج ءِ دست ءَ زوربیگواہ کنگ بیتگیں گلام جان ءِ کھول ءِ زھرشانی نندانک ءَ شش روچ سرجم بوتگ کہ برجاہ اِنت۔
آئی ءَ گوشتگ کہ زوربیگواھیں گلام جان ءِ کھول ءِ گوشگ اِنت که اگاں گلام جان ءِ سر ءَ چونیں بھتامے ھست آئی آمیدگس ءَ پیش بہ کن اَنت۔ اگاں بے میار اِنت زوت آجو کنگ بہ بیت۔
وی بی ایم پی ءَ گوشتگ کہ ما چہ دمگی سرکار ءَ لوٹ کن ایں کہ آ اِے بابت ءَ زوت گامگیج بہ زور اَنت ءُ په گلام جان ءِ کھول ءَ ڈیھ ءِ کانود ءِ رد ءَ انساپ دیگ ءَ وتی کرد ءَ پیلو بہ کن اَنت۔
