آواران/ بولان: پاکستانی پوج ءَ دو ورنا آوار جنگ ءَ پد بیگواہ کرتگ اَنت۔
زرمبش جھگیر ءِ رد ءَ چہ آواران بیگواہ کنگ بیتگیں ورنا ءِ نام راشد بلوچ ء مھمد اِنت کہ نوندڑہ بریت ءِ جاہ منند اِنت۔ پوج ءَ زی آواران بازار ءَ بنجل ءَ لوٹائینتگ ءُ بیگواہ کرتگ۔
راشد بلوچ ءِ بابت ءَ گوشگ بیتگ کہ یکبرے 2023 ءَ ھم بیگواہ کنگ بیتگ داں پانزہ یا بیست روچ ءَ چیریں آزار جاھاں آزار ورگ ءَ پد آجو بیتگ۔
ھمےوڑ ءَ چہ بولان ءِ ھند پیر اسمائیل ءَ پرندوشی نجیب سمالانی ء نورالھک سمالانی نامیں ورنایے آوار جنگ ءَ پد بیگواه کرتگ۔
