شال: بلوچ یکجھتی کمیٹی ءِ سروک بیبرگ بلوچ ءِ شدکشیں ھرتال ءِ سیمی روچ ءَ جاور ناگیگ اَنت۔ آئی ءَ ماھے ءَ گیش اِنت کہ بندیگ اِنت، چہ دزگیری ءَ پیش ھم آ پالج ءِ آماچ بیتگ ءُ نوں شدکشیں زھرشانی ءِ سوب ءَ آئی جاور ناگیگ اَنت۔
مرچی بیبرگ بلوچ ءِ کھول آئی گنُدک ءَ شتگ ءُ کھول ءِ گوشگ اِنت کہ آئی بلڈبشیر سکا کم اِنت ءُ یکشل ءَ تُسگ ءَ اِنت۔ آئی جاور گوں ترندی ءَ ناگیگ بوان اَنت ءُ آ پہ الاج ءَ نادراھجاہ ءَ برگ لوٹ ایت۔
پولیس آئی ءَ پہ الاج ءَ نادراھجاہ ءَ برگ ءَ نیلگ ءَ اِنت، چہ ایشی پہ آئی جان سلامتی ءَ ترس اِنت۔
آئی ءَ گوشتگ کہ ما ریاست ءَ کڈن کن ایں کہ آ چونیں جنجالانی دیمپان بوت ءُ آئی زندمان ءِ درسیں زمہ واری ریاست ءِ سر ءَ بنت۔
