ابلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں زامران ، کولواه ءُ کلات ءَ سے جتائیں اُرشاں زورگریں پاکستانی لشکر نشانگ کرتگ. اِے اُرشاں چیر کرتگیں شورھانی اُرش ءُ تچک ءَ سلاه بندیں کاروائی ھوار اَنت که لھتیں ھنداں دژمنیں لشکر ءِ پھازداریں چوکی ھم دستیگ کرتگ اَنت۔
آئی ءَ گوشتگ که اولی کاروائی ءَ بی ایل اے ءِ سرمچاراں زامران ءِ ھند تگران ، وکائی ءَ زورگریں پاکستانی لشکر ءِ کاروان ءَ ھواریں ٹرک گوں چیر کرتگیں شورھاں نشانگ کرتگ. تراک ءِ آسر ءَ دژمن ءِ چار کارمند جاھی مرتگ ءُ کم چه کم دگه چار ٹپی بیتگ ھمے وڑ ءَ ٹرک سرجم ءَ تباه بیتگ۔
جارکش ءَ گوشتگ که دومی کاروائی دوشی کولواه ءِ ھند رودکان ءَ کرتگ ، سرمچاراں زورگریں پاکستانی لشکر ءِ بنجل ءِ سر ءَ گوں ٹوھیں سلاھاں اُرش کرتگ. اِے اُرش ءَ دژمن ءَ جانی تاوان بیتگ ھمے وڑ ءَ سرمچاراں بنجل ءَ جتگیں چاریگی کیمره ھم نشانگ کرتگ ءُ تباه کرتگ اَنت۔
آئی ءَ گوشتگ که سیمی کاروائی دوشمبے ءِ شپ ءَ کلات ءِ ھند شیکڑی ، موڑگند ءَ کرتگ که سرمچاراں لشکر ءِ سنگر ءُ پھازداریں چوکیانی سر ءَ گوں راکٹ ءُ وتکاریں سلاھاں اُرش کرتگ ، اِے اُرش ءَ دژمن ءِ سے کارمند مرتگ ھمے وڑ ءَ کم چه کم ھشت کارمند ءَ سنگر یل کرتگ ءُ تتکگ اَنت ، آیانی تہ ءَ ٹپی بیتگیں کارمند ھم ھست۔
جارکش ءَ گوشتگ که اُرش ءِ میان ءَ پہ دژمنیں لشکر ءَ کمک ءَ چہ دمگ ءَ آھگ ءِ جھد کرتگ بلے سرمچاراں اُرش کرتگ ءُ گیش جانی تاوان داتگ اَنت،
جئھند بلوچ ءَ گڈی ءَ گوشتگ کہ اے درسیں کاروائیانی زمہ واری ءَ بی ایل اے من ایت۔
