بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 21 اپریل ءِ شپ ءِ ادار ھشت ءِ نزیک ءَ ھاران شھر ءَ گواش دگ ءَ زورگریں پاکستانی لشکر ءِ برجاھیں چوکی ءِ سر ءَ گوں وتکاریں سلاھاں اُرش کرتگ۔
جارکش ءَ گوشتگ کہ سرمچاراں ساری ءَ پانگس ءِ دیم ءَ اوشتاتگیں کارمند تیر جتگ ءُ کشتگ ءُ چہ ایشی ءَ پد سرمچاراں کارشونی ءِ رد ءَ تیرگواری بند کرتگ۔ وھدے دژمن ءِ کارمند په وتی مرتگیں کارمند ءِ لاش ءِ چست کنگ ءَ مچ بوتگ اَنت ، سرمچاراں گوں وتکاریں سلاھاں نشانگ کرتگ اَنت۔ چہ ایشی ءَ دژمنیں لشکر ءَ گیش جانی ءُ مالی تاوان بوتگ۔
میجر گھرام بلوچ ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں پاکستانی لشکر ءُ آئی شوربندیاں نشانگ کن ایں۔
