بلوچ نیشنل موومنٹ ( بی این ایم ) ءِ سرکماش ڈاکٹر نسیم بلوچ ءَ ماں چاگردی رسانکدر ایکس ءَ بنگلہ دیش ءُ پاکستان ءِ دری کارانی کشادانی میان ءَ پانزہ سال ءَ پد بیتگیں بنداتی نیاد ءِ درگت ءَ نبشتگ کہ بنگلہ دیش ءِ 1971 ءِ زوراکیانی سر ءَ چہ پاکستانی لس مردماں پلی لوٹگ شر اِنت۔ بیستمی دھک ءَ بنگالیانی چکچینی یک سیاھیں درے اَت، بلے چہ ایشی ءَابید کس ءَ پاکستان جست نہ گپتگ۔ اے زوراکی ءَ یک ترسناکیں درورے زندگ داشتگ۔
آئی ءَ گوشتگ کہ گوں بنگلہ دیش ءَ انساپ نہ بوگ ءِ سوب ءَ مرچی پاکستان ھما میارباری ءَ بلوچستان ءَ کنگءَ اِنت۔ زوریں بیگواھی، درکانودی کوش، مچی مانشجاہ ءُ پہ یک سرجمیں راجے ءِ توار ءِ دارگءَ ناشرکاری برجاہ اِنت۔
ڈاکٹر نسیم بلوچ ءَ گوشتگ کہ جست تیوک ءَ گوست ءِ نہ بیت بلکیں ھما ردیانی دارگ ھم ھژدری اِنت۔ پاکستان ءَ نہ تیوک ءَ چہ بنگلہ دیش ءَ پھلی لوٹگی اِنت بلکیں بلوچستان ءَ برجاھیں بلوچ چکچینی ءِ پسو دیگی اِنت۔
