بلوچ یکجھتی کمیٹی کراچی ءِ جارکش ءَ وتی شنگ کرتگیں جارے ءَ گوشتگ کہ 12 جنوری 2024 ءَ نیمروچ ءِ دو ءَ بی وائی سی ( کراچی) ءِ نیمگ ءَ زھرشانی کنگ بیت۔ روانک چہ لیاری ءِ ھشت راہ ءَ در کپ ایت ءُ لیاری ایکپسریس ءَ آسر بیت۔
آئی ءَ گوں کراچی ءِ شرپمندیں مردماں لوٹ کرتگ کہ روانک ءَ بھر بزور اِت ءُ پہ مردمگری ءَ توار چست بہ کن اِت۔ ھما مات ءُ گھارانی پلہ مرزی ءَ بہ کن اِت کہ اے وھد ءَ اسلام آباد ءَ سارتی ءِ سر ءَ نشتگ اَنت ءُ پہ وتی ھکاں توار چست کنگ ءَ اَنت۔
آئی ءَ گوشتگ کہ زھرشانی نندانک ءِ لوٹ کانودی لوٹ اَنت، زوریں بیگواھی بند کنگ بہ بیت ءُ بیگواھیں مردم آمیدگس ءَ پیش کنگ بہ بنت۔
