بلوچ آجوئی لشکر ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ لبریشن آرمی ءِ سرمچاراں گوں مھکمیں لشکری شوربندی ءُ ترندیں دیم پہ دیمی ءِ پارست ءَ زورگریں پاکستانی لشکر ءِ زمینی ءُ برزی کمک داں ھشت اداراں دیم پہ دیمی کنگ ءَ پد پہ پدکنز کنگ ءَ لاچار کرتگ ۔ داں باز داراں برجاھیں میڑاں داں انوں 30 ءَ گیش دژمنیں کارمند کشتگ ءُ باز ٹپی بیتگ۔ وھدے کہ زورگریں لشکر ءَ بازیں کچے ءَ جانی تاوان بیتگ۔
آئی ءَ گوشتگ کہ بی ایل اے چہ گوستگیں ھشت اداراں ٹرین ءُ ھمے ساڑی ئیں درسیں بندیگ گوں مھکمی ءَ داشتگ اَنت۔ جنگی راھبندانی رد ءَ چہ آیاں 214 دزگیر بیتگیناں جنگی بندیگ من این ءُ بی ایل اے پہ زندانیانی یل کنگ ءِ جاہ ءَ زندانیانی یل کنگ ءَ جاڑیگ اِنت۔ زورگریں پاکستانی ریاست ءَ 48 ادار ءِ وھد ءِ موہ دے ایں کہ بلوچ سیاسی بندیگ، زور بیگواھیں مردم ءُ راجی گھگیری ءِ باسکاں زوت ءُ کسانیں وھدے ءَ یل بہ کنت۔
جارکش ءَ گوشتگ کہ بی ایل اے ءِ دزگیر بیتگیں 214 پاکستانی کارمند، بزاں لشکری ءُ نیم لشکری کارمند، پولیس ءُ چیریں ادارھانی کارمند، سرجم ءَ لشکری ءُ جنگی کانود ءِ رد ءَ داشتگ اَنت۔ اگاں اے داتگیں وھد ءِ میان ءَ مئے لوٹ منگ نہ بیت اَنت یا زورگریں ریاست ءَ اے میان ءَ چونیں ھم لشکری گامگیجے ءِ زورگ ءِ جھد کرت گڑا درسیں جنگی بندیگ کشگ بنت ءُ ٹرین سرجم ءَ تباہ کنگ بیت ایشی زمہ واری زورگریں لشکر ءِ سر ءَ بیت۔
آئی ءَ گڈی ءَ گوشتگ کہ اے جار گڈی ءُ مھکم اِنت۔ زورگریں لشکر ءَ کڈن کن ایں کہ بی ایل اے وتی ھمک سوڑگ ءِ سر ءَ سرجم ءَ توانمند ءُ زوت کار کنگ ءِ بستار ءَ دار ایت۔
