مَشکے/ کلات: چہ پاکستانی لشکر ءِ آزارجاھاں بیگواھیں ھپت مردم آجو بوتگ ءُ ھشت زوریبگواھیں مردم پولیس ءِ دست ءَ دیگ بیتگ اَنت۔
بنشون ءِ رد ءَ چہ مشکے ءَ پاکستانی لشکر ءِ چیریں آزارجاھاں ھپت مردم آجو بیتگ۔ آجو بوتگیں مردمانی نام کمردین ء دوستین جاہ منند تراتدان، وژدل ء کادر داد جاہ منند تراتدان دوستین ء کادر داد جاہ منند تراتدان، اتا اللہ ء گاجی ھان، ھبیب اللہ ء گاجی ھان، آزم ھان ء کاسم ھان، ھپیز ء کاسم بلوچ اِنت۔ کہ پاکستانی لشکر ءَ 28 پروری ءَ آوار جنگ ءَ پد بیگواہ کرتگ اَنت کہ آ 4 مارچ ءَ آجو بیتگ ءُ وتی گس ءَ سر بیتگ اَنت۔
ایشاں ھوار تنک ءِ جاہ منندیں گلام جان نامیں ورنایے ھم پاکستانی لشکر ءَ آوار جتگ اَت کہ انگت بیگواہ انت۔
ھمے وڑ ءَ کلات ءَ گوستگیں روچاں پاکستانی لشکر ءَ سی ءُ پنچ مردم آوار جتگ ءُ بیگواه کرتگ اَت که چه آیاں ھشت مردم پولیس ءِ دست ءَ دیگ بیتگ.
بنشون ءِ رد ءَ ھشتیں مردم کلات ءِ پولیس تھانه ءَ گندگ بیتگ اَنت. چه ایشی ءَ ابید زوربیگواھیں مردمانی کھولاں دو روچ اِنت که شال کراچی شھدگ بند کرتگ ءُ زھرشانی کنگ ءَ اَنت.
