بلوچستان لبریشن پرنٹ ( بی ایل ایپ ) ءِ رسانکدر آشوب ءُ بلوچ لبریشن آرمی( بی ایل اے ) ءِ رسانکدر ھکل ءِ نیمگ ءَ ماں رسانکدر ءَ شش ماہ ءِ کاروائیانی رپورٹ شنگ کنگ بیتگ کہ 586 کاروائیاں 889 کوش بیتگ اَنت۔ اے میان ءَ سلاہ بندیں گلانی 63 جنگول جتائیں کاروائیاں شھید بیتگ۔
آشوب ءِ رد ءَ بی ایل ایپ ءِ سرمچاراں 302 اُرشاں زورگریں دژمن ءِ 221 کارمند کشتگ کہ آیانی تہ ءَ دژمن ءِ کمکار ھوار اَنت۔ 148 ءَ گیش ٹپی بیتگ۔
آئی ءَ گوشتگ کہ سرمچاراں اے کاروائیانی میان ءَ دژمن ءِ131 ءَ گیش توپک پل اتگ ءُ دژمنیں لشکر ءَ بازیں کچے ءَ مالی تاوان بوتگ۔ اُرشانی میان ءَ دژمن ءِ ھشتاد ءُ ھشت گاڑی سرجم ءَ تباہ بوتگ ءُ بازیں گاڑی کمو تاوان بیتگ اَنت۔
آئی ءِ گوشگ اِنت کہ اے کاروائیاں 16 ءَ گیش پولیس ءُ لیویز چوکی ءُ تانہ سرمچاراں سرجم ءَ دستیگ کرتگ ءُ بازیں کچے ءَ سلاہ پل اِتگ اَنت۔ یک ایپ سی ءِ چوکی یے سرمچاراں گوں ترندیں اُرش ءَ نشانگ کرتگ ءُ درسیں کارمندانی کشگ ءَ پد دستیگ کنگ ءَ سوبین بیتگ اَنت ءُ اود ءَ درسیں سلاہ زرتگ اَنت۔
آئی ءِ گوشگ اِنت کہ اے کاروائیانی میان ءَ بی ایل ایپ ءِ ھبدہ ھمبل سرمچار شھید بیتگ۔ بی ایل ایپ آیان ءَ ستک شانی نَدْر کنت ءُ آیانی کاروان ءِ گڈی مزل ءَ سر کنگ ءِ کول ءَ کنت۔
بی ایل اے ءِ رسانکدر ھکل ءِ رد ءَ ھمے سال ءَ شش ماہ ءِ میان ءَ بی ایل اے ءَ سرجم ءَ 284 اُرش کرتگ آیانی تہ ءَ زورگریں پاکستانی پوج ءِ 658 ءَ گیش کارمند کشتگ، 58 چاریگ ءُ کمکار کشتگ۔ اے کاروائیانی میان ءَ 290 دزگیری، 121 بمب اُرش، 131 گاڑی تباہ ءُ یک ٹرینے داشتگ۔
آئی ءَ گوشتگ کہ بی ایل اے ءِ سرمچاراں اے شش ماھانی میان ءَ نُھ اپریشن کرتگ، آیانی تہ ءَ سے پدائی ھوار اِنت۔ بی ایل اے ءِ 36 سرمچار پہ سرڈگار ءَ نمیران بیتگ کہ آیانی تہ ءَ ھپت پدائی ھم ھوار اِنت۔ سرمچاراں 45 ءَ گیش جاہ گپتگ ءُ 17 پوجی شوربندی سرجم ءَ تباہ کرتگ۔ اے کاروائیانی میان ءَ 115 ءَ گیش جتائیں سلاہ ءُ گولا دستیگ کرتگ۔
