بارکان: پجار نہ بوتگیں سلاہ بندیں مردماں ارش کرتگ ءُ زورگریں پاکستانی لشکر ءِ راشن دستیگ کرتگ ءُ برتگ اَنت۔
بنشون ءِ رد ءَ سلاہ بندیں مردماں یک مارچ ءِ نیمروچ دوازدہ ءَ بگاؤ گلو شم ءَ پاکستانی لشکر ءِ راشن ھما وھد ءَ دستیگ کرتگ اَنت کہ آ پہ لشکرکشی کنوکیں کارمنداں سامان برگ ءَ بیتگ اَنت۔
سلاہ بندیں مردماں پاکستانی لشکر ءِ سامان ءَ باریں گاڑی یے دستیگ کرتگ ءُ گوں ساماناں برتگ ءُ دگہ یک ٹرکے ءَ ھوار چار پرپٹ مانداشتگ۔
چوش کہ بلوچستان ءَ پاکستانی لشکر ءُ آئی شوربندیانی سر ءَ اُرشانی زمہ واری بلوچ آجوئی لوٹوکیں سلاہ بندیں گلاں منّ اتگ اَنت، بلے اے اُرش ءِ زمہ واری انگت ءَ ھچ گل ءَ نہ زرتگ۔
