مشکے/ شال: زورگریں پاکستانی لشکر ءَ چہ جتا جتائیں جاھاں دہ مردم آوار جنگ ءَ پد بیگواہ کرتگ اَنت۔
بنشون ءِ رد ءَ چہ مَشکے ءَ بیگواہ کنگ بیتگیں مردمانی نام مومن ء اسلم جاہ منند مَشکے شریکی، کامران ء مھمد آلم جاہ منند مَشکے شریکی، مھراج ء نیاز مھمد جاہ منند مَشکے شریکی، سیپ ء کارمریڈ لتیپ جاہ منند مَشکے میوار، سپدر ء انایت مَشکے نوکجو، زھیر ء نیاز مھمد جاہ منند مَشکے شریکی، کمردین ء دوستین جاہ منند تراتدان، وژدل ء کادر داد جاہ منند تراتدان ءُ دوستین ء کادر داد جاہ منند مَشکے تراتدان اِنت۔
اے نوہ مردم پاکستانی لشکر ءَ پیری، زی ءُ مرچی چہ جتا جتائیں جاھاں آوار جتگ ءُ بیگواہ کرتگ اَنت۔
ھمے وڑ ءَ چہ شال ءَ پاکستانی لشکر ءَ نودربرے آوار جتگ ءُ بیگواہ کرتگ۔
زوربیگواہ کرتگیں ورنا ءِ نام ایاز ء سبزل اِنت ءُ آ گیشکور سھر ءِ جاہ منند اِنت۔ زوریبگواھیں ایاز شال ءَ شھید زاکر زانشجاہ ءِ پرسٹ ائیر ءِ نودربرے کہ پاکستانی لشکر ءَ 28 پروری ءَ شپ ءِ ادار دو ءُ نیم ءَ آوار جتگ ءُ بیگواہ کرتگ۔
