ھزدار: چہ زھری ءَ پاکستانی لشکر ءِ دست ءَ زور بیگواہ کنگ بیتگیں نوہ بیگواھیں مردمانی کھولاں زھرشانی ءَشال کراچی شھدگ ءِ بند کنگ ءِ جار جتگ۔
زور بیگواھیں مردمانی تہ ءَ مجیب الرھمان بوبک ء مھمد نور چہ ڈاک رھیم آباد ءَ 9 جنوری 2025 آوار جنگ بیتگ۔ اتیک الرھمان بوبک ء ابدُلکادر چہ ملگزار ھزدار ءَ13 جنوری 2025 ءَ آوار جنگ بیتگ۔ مھمد ھیات مٹازھی ء مھمد امر چہ زھری ڈاک آباد ءَ 18 پروری 2025 ءَ آوار جنگ بیتگ۔ ھاپز سراج اھمد پندرانی ء دین مھمد چہ نورگامہ زھری، زاھد اھمد ابدُلھمید موسیانی زھری 10 اکتوبر 2022 ءَ چہ سردار دودا ھان اسٹیڈیم زھری، یاسر اھمد ء گل مھمد موسیانی پنچ جون 2023 ءَ بلبل ھزدار، زکریا ء سئد اللہ زھری ھزدار 30 اگست 2021 ءَ چہ پنجگور، نوید اھمد ابدُرشید موسیانی 29 اپریل 2023 چہ ویگن ءَ پیر امر ھزدار ءَ بیگواہ کنگ بیتگ۔ مھمد شپیک مھمد ھیات چہ ھزدار ءِ گدان ھوٹل ءَ بیگواہ کنگ بیتگ۔
اے درسیں بیگواھیں مردمانی کھولاں گوشتگ کہ اگاں مئے مردم داں 27 پروری آجو نہ بوت اَنت گڑا ما 28 پروری ءَ شھدگ ءَ جتا جتائیں جاھاں بند کن ایں۔
