تربت: پجار نه بیتگیں سلاه بندیں مردماں تربت ءِ ھند کوشکلات ءَ بلوچی زبان ءِ نامداریں گشنده استاد آرپ بلوچ ءِ گس ءِ سر ءَ تیرگواری کرتگ.
آرپ بلوچ ءَ ماں چاگردی رسانکدر ءَ وتی شنگ کرتگیں کلوھے ءَ اِے ویل ءِ گپ راست کرتگ ءُ گوشتگ که سلاه بندیں مردماں ھما وھد ءَ گس ءِ سر ءَ تیرگواری کرتگ که آ گس ءَ ساڑی نه بیتگ.
استاد أرپ بلوچ ءِ گوشگ اِنت که سلاه بندیں مردماں تیرگواری ءِ ھواری ءَ زاه ءُ بد ھم کرتگ. آئی ءَ چه سرکاری ادارھاں اِے ویل ءِ بگیری ءَ زوت گامگیج زورگ ءِ لوٹ کرتگ.
