شال: 24 پروری ءَ شال ءِ ھند شھبان ءَ زورگریں پاکستانی لشکر ءِ دروگیں میڑ ءَ کشگ بیتگیں آدگه دوئیں مردم پجارگ بیتگ اَنت۔
بنشون ءِ رد ءَ آیانی نام شاھزیب شاھوانی ء رھمت الله ءُ نئیم اھمد شاھوانی ء نوالدین اِنت۔ شاھزیب 7 جنوری ءَ چه کلی ھیرالله ، لھڑی گیٹ ءَ پاکستانی لشکر ءَ آور جتگ ءُ زوربیگواه کرتگ ءُ نئیم اھمد 2 جنوری ءَ چه شال ءِ ھند کروٹ آباد ءَ زوربیگواه کنگ بیتگ.
چوش که 24 جنوری ءَ شال ءِ ھند شھبان ءَ زورگریں پاکستانی دروگیں میڑے ءَ چار مردم ءِ کشگ ءِ ٹاپار جتگ اَت ءُ آیانی لاش نادراھجاه ءَ سر کنگ بیتگ اِت اَنت. چه کشگ بیتگیں مردماں گوستگیں روچ ءَ دو مردم ھاپز مھمد تاھر ءُ زبیر اھمد پجارگ بیتگ اَنت که دوئین دسمبر 2024 ءَ چه کلات ءِ هند گدر ءَ زوربیگواه بیتگ اَنت.
چه ایشی ءَ پیش ھم زورگریں پاکستانی لشکر ءُ سی ٹی ڈی ءَ باز رند ءَ زوربیگواھیں مردم دروگیں میڑاں نشانگ کرتگ ءُ شھید کرتگ اَنت که آ کشگ ءَ پد چه زوربیگواھیں مردماں پجارگ بیتگ اَنت.
