بلوچ یکجھتی کمیٹی ءِ سروک سمی دین ءَ ماں چاگردی رسانکدر ءوتی شنگ کرتگیں درشانےءَ گوشتگ کہ تربت ءَ بلوچ نودر بر اللہ داد بلوچ گوستگیں شپ ءَ تیرگواری کنگ ءُ شھید کنگ بیتگ۔ اللہ داد ءِ وڑیں ورنایانی کوش تیوک ءَ یک مردمے ءِ تاوان نہ اِنت بلکیں بلوچ وانندگیں بھرگ ءِ بگیری ءَ یک ٹوھیں ارشے ءُ بلوچ چکچینی ءِ درچ اِنت، ما دیر اِنت کہ ھمیشی نشانگ بوگ ءَ ایں۔
آئی ءَ گوشتگ کہ برے نشانگ کنگ، برے مچی مانش ءُ برے ژانگولیں لاش، بلوچ راج ھمک روچ یک نہ یک وڑے ءَ ریاستی زوراکیانی دیمپان اِنت۔ اود ءَ زھگ ءُ جنین کس پھریز نہ اِنت۔
سمی دین ءَ گوشتگ کہ من گوں درسیں انسانی ھکانی ادارھاں لوٹ کن آں کہ آ اے ناھکیں ریاستی زوراکی، بلوچ چکچینی ءُ اللہ داد ءِ ناھکیں کوش ءِ بگیری ءَ توار چست بہ کن اَنت۔
