دشت: شھید ممتاز پنام بالاچ ءِ کھول ءِ نیمگ ءَ آئی ءِ شھیدی ءِسیمی سالروچ ءِ درگت ءَ دیوانے برجم دارگ بیتگ۔
بنشون ءِ رد ءَ دیوان ءَ مردماں بازیں کچے ءَ بھر زرتگ ءُ شھید ءِ اکسانی دیم ءَ ڈیوا بالینتگ، پل شانی کرتگ ءُ شھید ستک شانی ندر کرتگ ءُ پہ آئی ءَ دوا لوٹ اِتگ۔
شھید ممتاز پنام بالاچ باھوٹ چات دشت ءِ جھمنند اِنت ءُ بی ایل ایپ ءِ سرمچارے کہ آ دشت سبدان ءَ 25 جنوری 2022 پاکستانی لشکر ءِ بنجل ءِ سر ءَ بی ایل ایپ ءِ اُرش ءُ بنجل ءِ دستیگ کنگ ءِ میان ءَ شھید بیتگ اَت۔
اے ارش ءِ بابت ءَ بی ایل ایپ ءِ جارکش میجر گھرام ءِ گوشگ اِنت کہ پاکستانی لشکر ءِ ھبدہ کارمند مرتگ ءُ سرمچاراں بنجل ءِ درسیں سامانانی دستیگ کنگ ءَ پد بنجل مانداشتگ۔
