گوادر: چه پاکستانی لشکر ءِ آزارجاھاں زوربیگواھیں نومان اسھاک آجو بیتگ.
اھوالکار ءِ رد ءَ نومان اسھاک 7 نومبر 2024 ءَ پاکستانی لشکر ءَ چه بلوچ وارڈ ءَ آوار جتگ ءُ بیگواه کرتگ اَت. کھول ءَ آئی ءِ زوریں بیگواھی ءِ بگیری ءَ جی ٹی ءِ دروازگ ءِ دیم ءَ زھرشانی کرتگ اَت. آ مرچی چه سے ماه ءِ زوربیگواھی ءَ پد آجو بیتگ۔
ھمے وڑ ءَ چہ تربت ءَ پاکستانی لشکر ءِ چیریں آزار جاھاں بیگواھیں گلاب آجو بوتگ۔
چوش کہ گلاب ء بوھیر پاکستانی لشکر ءَ 7 دسمبر ءَ چہ نگور باھوٹ چات ءَ وارس ءِ ابرھیم ءِ ھواری ءَ آوار جتگ اَت آ مرچی آجو بوتگ، بلے وارس انگت بیگواہ اِنت۔
