کوھلو: زورگریں پاکستانی لشکرءَ جتائیں وھد ءُ چہ جتائیں جاھاں چار مردم آوار جنگ ءَ پد بیگواہ کرتگ۔
بیگواہ کنگ بیتگیں مردمانی نام بالاچ لوھانی، یارھان جلمبانی، کوڈے ء میشدار لوھارانی ءُ جما شاھیجو اِنت۔ بالاچ لوھانی پاکستانی لشکر ءَ وتی بنجل ءَ لوٹائینتگ ءُ بیگواہ کرتگ۔
انچوش گوشگ بوگ ءَ اِنت کہ بالاچ لوھانی ءِ دو زھگ دو ماہ پیش زورگریں پاکستانی لشکر ءَ بیگواہ کرتگ کہ انگت بیگواہ اَنت۔
سے روچ پیش زورگریں پاکستانی لشکر ءَ یارھان جلمبانی ءِ گس ءَ بیڑ برتگ ءُ آوار جنگ ءَپد بیگواہ کرتگ۔ کوڈے ء میشدار لوھارانی ءُ جما شاھیجو دو روچ پیش پاکستانی لشکر ءَ چہ راہ ءَ آوار جتگ ءُ بیگواہ کرتگ اَنت۔
