بلوچ لبریشن آرمیءِ جارکش جیئند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِسرمچاراں مستونگ، کوھلو، تمپ ءُ نوشکے ءَ چار جتائیں کاروائیاں زورگریں پاکستانی لشکر، وتگڑیں کشندہ ٹولی ءِ کارمند ءُ مادن بروکیں گاڑی نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں مرچی نیمروچ ءَ مستونگ ءِ ھند اسپلنجی ءَ زورگریں پاکستانی لشکر ءِ سر ءَ ارشے کرتگ۔ سرمچاراں دژمنیں لشکر ھما وھد ءَ سنگر گپتگ ءُ نشانگ کرتگ کہ آ پہ زوراکی کنگ ءِ نیت ءَ ھمے ھند ءَ پترگ ءَ بیتگ۔ سرمچارانی ارش ءَ پہ تچک ءَ جھد کنوکیں دژمن ءِ کم چہ کم چار کارمندٹپی بیتگ۔
جارکش ءَ گوشتگ کہ بی ایل اے ءِ سرمچاراں گوستگیں روچ ءِ بیگاہ ءَ کوھلو ءِ ھند نوئےشم، لونڈ ءَ مھبت ھان مری ءِ سروکی ءَبرجاھیں وتگڑیں کشندہ ٹولی ءِیک بنجلے نشانگ کرتگ۔ ارش ءَ کشندہ ٹولی ءِ ھشت لگوریں کارمنداں وتی سلاہ ءُ سامان چگل داتگ ءُ جستگ اَنت۔ ھمے تچگ ءِمیان ءَ کشندہ ٹولی ءِ سے کارمند ٹپی بیتگ ءُچہ آیاں یکے سکا ٹپی اِنت۔ سرمچاراں آیانی سلاہ زرتگ اَنت ءُبنجل مانداشتگ۔
آئی ءَ گوشتگ کہ ھمے کارمنداں کڈن کن ایں کہ آ زورگریں لشکر ءِ کمکاریءَ یل بہ کن اَنت، ما کوھلو ءِ کِر ءُ کشانی زورگریں پاکستانی لشکر ءِ کمکاریں مردماں تچک ءَ گوش ایں کہ راج دژمنیں کاراں یل بہ کن اِت اگاں نہ وتی جان ءُ مال ءِ تاوان ءِ زمہ وار ات اِت۔
جارکش ءَ گوشتگ کہ بی ایل اےکوھستان مری ءَ ھوار بلوچستان ءَ بلوچ مڈیانی لٹ ءُ پل کنگ ءِ کس ءَ موکل ءَ نہ دنت ءُ اے کار ءَ ھواریں مردم مئے نشانگءَ اَنت۔
آئی ءَ گوشتگ کہ بی ایل اے ءِ سرمچاراں دگہ یک کاروائی یے ءَ گوستگیں روچ ءَ تمپ ءِ ھند کوھاڑ ءَ زورگریں پاکستانی لشکر ءِ کمکار وتگڑیں کشندہ ٹولی ءِ نزیکیں کارمند جمیل ء ملک اللہ داد کشتگ ءُ آئی سلاہ ءُ پرپٹ زرتگ اَنت۔
جارکش ءَ گوشتگ کہ اے کارمند ھمے ھند ءَ کشندہ ٹولی ءِ جوڑ کنگ ءَ ھوار گساں بیڑ برگءُزورگریں پاکستانی لشکر ءِ گون ءَ تچکی ءَ ھمراہ بیتگ، جمیل ءِ سروکی ءَ کشندہ ٹولیءَ ورنا نشانگ کرتگ اَنت۔ بی ایل اے ءِ انٹلی جنس ونگ ءَ ھمے نیٹورک ءِ آدگہ کارمند نشان داتگ اَنت ءُآیاں زوت گڈی آسر ءَ سر کن ایں۔
آئی ءَ گوشتگ کہ دگہ یک کاروائی یے ءَ بی ایل اے ءِ سرمچاراں زی بیگاہ ءَِ نوشکے ءَ بدل کاریز دوراھی ءَ راجی مڈیانی لٹ ءُ پل کنوکیں سے ٹرک نشانگ کرتگ۔ سرمچاراں یک ٹرکے مانداشتگ ءُدو تیرگواری کرتگ ءُ تاوان داتگ اَنت۔
جیئند ءَ درسیں ارشانی زمہ واری من اتگ ءُ گوشتگ کہ دژمن ءُ آئی کمکارانی سر ءَارشانی درچ ءَ برجاہ دار ایں۔
