سندھودیش روولیوشنری آرمی (ایس آر اے) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے ءَ مرچی سھب ءَ شھداد کوٹ ءَ پاکستانی چیریں ادارہ ءِ چاریگءُآٹوز ءِ واھند پنجاپ ءِ جاہ منند جھانگیر کنبوہ ءُ دو روچ پیش نوشھرو پیروزءَ نیشنل ھائے وے ءِ کِر ءَ این ایل سی ءِ ٹینکرانی سر ءَ ارش ءِ زمہ واری ءَ من ایت۔
آئی ءَ گوشتگ کہ پاکستانی ریاست ءَ چہ سند دریا ءَ شش گوز کش اتگ ءُسندی راج ءِ مالی تباھی ءِ ھواری ءَ چکچینی ءِ پیسلہ کرتگ۔ سند ءِ ڈگارانی سر ءَ گرین پاکستان شوربند ءِ نام ءَ پنجاپی لشکر لکانی کچ ءَ ایکڑ ڈگاراں دستیگ کنگ ءَ اِنت۔ سند ءَ یک مھمکیں شوربندی یے ءِھواری ءَوتی پنجاپی آبادکاراں آرگ ءُ سند ءِ نکش ءَ مٹ کنگ لوٹ ایت دانکہ سندیاں کم بہ کنت۔
جارکش ءَ گوشتگ کہ سند ءِ ھستمان ءُ گوں پدریچ ءَ بندوکیں درسیں جیڑہ ءُ شوربندیانی بگیری ءَ چہ پیسر ءَ ایس آر اے وتی کرد ءَ پیلو کنگ ءَ اِنتءُ انوں ھم پہ دیمپانی ءُ پدریچ ءِ جنگ ءَشریں وڑے ءَ وتی کرد ءَ پیلو کنت۔
سوڈو سندی ءَ گوشتگ کہ ایس آر اے داں سند ءِ سرجمءَ آجوئی ءَ وتی گھگیری جھد ءَ برجاہ دار ایت۔
